კახეთში უამინდობას ებრძვიან – რეგიონში 22 ათასამდე აბონენტს დენი არ აქვს

0
59

უამინდობამ პრობლემები შექმნა კახეთში – გადაუღებელი თოვის გამო, დილიდან თელავში გაჩერდა მუნიციპალური ტრანსპორტის მოძრაობა.

შიდასახელმწიფოებრივი მნიშვნელობის ვაზიანი-გომბორი-თელავის საავტომობილო გზაზე კი მხოლოდ მაღალი გამავლობის, ორი და მეტი წამყვანი ხიდის მქონე ავტოტრანსპორტისათვის არის მოძრაობა დასაშვები. გზის ამ მონაკვეთს საპატრულო პოლიციის ეკიპაჟები აკონტროლებენ.

“თოვლის ნალექიდან გამომდინარე ქალაქში დილიდან მიმდინარეობს გაწმენდითი სამუშაოები, იწმინდება ცენტრალური და შიდა გზები, დაიყარა ქვიშა-მარილი, გაიწმინდა თოვლისგან გზის საფარი, მიმდინარეობს გაწმენდითი სამუშაოები. მუნიციპალური ტრანსპორტის გადაადგილება დროებით, ამინდის გამო შეზღუდულია, უსაფრთხოებიდან გამომდინარე. როგორც კი იქნება საშუალება, მუნიციპალური ტრანსპორტი განაახლებს სამუშაოებს”, – ამბობს თელავის მერი.

უხვმა ნალექმა პრობლემები შექმნა ენერგო მომარაგების კუთხითაც. 22 ათასამდე აბონენტს კახეთში არ მიეწოდება ელექტროენერგია.

წინა სტატიაუკრაინის დროშის დაწვის ფაქტი, წალენჯიხაში
შემდეგი სტატიაუკრაინის მთელ ტერიტორიაზე საჰაერო განგაშია – კიევში აფეთქებების ხმა ისმის
ტელეკომპანია ოდიშის საინფორმაციო სამსახური