კიევში პრველად ჩავდა პოლონეთის პრემიერმინისტრი დონალდ ტუსკი. მან უკრაინის დედაქალაქამდე მატარებლით იმგზავრა.

ჟოზეფ ბორელი აცხადებს, რომ უკრაინას არ უნდა შეეშინდეს – ევროპის ქვეყნების მხრიდან დახმარება, მისი თქმით, გაგრძელდება. 

22 იანვრის ღამეს რუსეთის საოკუპაციო ძალებმა უკრაინის ტერიტორიას Shahed-136/131 ტიპის 8 უპილოტო საფრენი აპარატით შეუტიეს, – ინფორმაციას უკრაინული მედია უკრაინის შეიარაღებული ძალების საჰაერო ძალებზე დაყრდნობით ავრცელებს.

საჰაერო ძალების ცნობით, დრონები რუსეთის ფედერაციის ტერიტორიიდან, კერძოდ, პრიმორსკო-ახტარსკიდან გაუშვეს.

„რვავე „შაჰედი“ განადგურდა უკრაინის საჰაერო ძალებისა და თავდაცვის ძალების საზენიტო-სარაკეტო ქვედანაყოფებისა და მობილური საცეცხლე ჯგუფების მიერ“, – ნათქვამია საჰაერო ძალების განცხადებაში.

მათივე ინფორმაციით, უპილოტო საფრენი აპარატები ჩამოაგდეს მიკოლაივის, ხერსონის, დნეპროპეტროვსკისა და კიროვოგრადის ოლქებში.

გუშინ საღამოს კი ლენინგრადის ოლქში უკრაინული დრონების სამიზნე რუსული ქარხანა გახდა. “Новатек”-მა ამ თავდასხმის შემდეგ ოპერირება შეაჩერა. 

დღეს ვოლოდიმირ ზელენსკი რადაში კანონპროექტს შეიტანს, რომლის დამტკიცების შემთხვევაში გაუქმდება უკრაინის მოქალაქეებისთვის არსებული შეზღუდვა, რომლის მიხედვითაც მათ არ შეეძლოთ ორმაგი მოქალაქეობა.