„ერთიანი ნაციონალური მოძრაობის“ ზუგდიდის ორგანიზაციის წარმომადგენლებმა, რომლებიც ამავდროულად ზუგდიდის საკრებულოს ფრაქცია „ნაციონალურ მოძრაობას“ წარმოადგენენ, „ქართულ ოცნებასთან“ ოფიციალურად გააფორმეს კოლაბორაცია.

ამის შესახებ CNews -ს ინფორმაცია სანდო წყარომ მიაწოდა.

წყაროს მიერ მოწოდებული ინფორმაციით ირკვევა, რომ ზუგდიდის საკრებულოში 17 იანვარს, ფრაქცია „ნაციონალური მოძრაობის“ წარმომადგენლებმა ირაკლი სორდიამ და დარიკო არქანიამ, ენმ-ს ყოფილ თანამებრძოლებს, რომლებიც საკრებულოში ხელშეკრულებით მუშაობდნენ, სახელშეკრულებო ვადა არ გაუგრძელეს და ენმ-ს ყოფილი თანამებრძოლების მიერ წამოყენებული წინადადება, „ქართულ ოცნებასთან“ ერთად ჩააგდეს.

„საკრებულოს იურიდიული, სამანდატო და ადამიანის უფლებათა დაცვის კომისიაზე წარდგენილ წინადადებას, ენმ-ს ყოფილი სამი წევრისთვის, საკრებულოს თანამშრომლებად ხელშეკრულების გაგრძელების თაობაზე, რომლებიც 2012 წლიდან აქტიურად იყვნენ ჩართულები „ქოცების“ წინააღმდეგ ბრძოლაში, საკრებულოს წევრებმა ენმ-დან, (ენმ-ს ზუგდიდის ორგანიზაციის აღმასრულებელმა დირექტორმა ირაკლი სორდიამ და ენმ-ს ფრაქციის თავმჯდომარის მოადგილემ, დარიკო არქანიამ) „ქოცებთან“ ერთად, წინააღმდეგ მისცეს ხმა“, – აცხადებს წყარო CNews-თან საუბარში.

წყარო :C)NEWS