რუსეთმა დროებით ოკუპირებულ აფხაზეთში “ანტიტერორისტული წვრთნები” ჩაატარა. ინფორმაციას “ეხო კავკაზა” რუსეთის თავდაცვის სამინისტროზე დაყრდნობით ავრცელებს.
რუსეთის თავდაცვის სამინისტროს ინფორმაციით, ე.წ წვრთნის მიზანი, რომელიც ოკუპირებულ რეგიონში უკანონოდ განთავსებულ სამხედრო ბაზაზე ჩატარდა, იყო – “იმიტირებული უკანონო შეიარაღებული ჯგუფების თავდასხმის მოგერიება”. გარდა ამისა, წვრთნების ნაწილი იყო სამხედრო ბაზის ტერიტორიაზე პირობითი მოწინააღმდეგის შეღწევის მცდელობის აღკვეთა.
რუსეთის თავდაცვის სამინისტროს თქმით, წვრთნაში მონაწილე ქვედანაყოფმა გამოიმუშავა შესაძლებლობა, რომ “კოორდინირებულად აღკვეთონ ტერორისტული ჯგუფის თავდასხმა და ერთიანი გადაწყვეტილება მიიღონ საგანგებო სიტუაციაში”.