უკრაინელებმა ზაპოროჟიის ფრონტზე წინ წაიწიეს – სად რა ხდება უკრაინაში

0
129

უკრაინის არმიის გენშტაბის ცნობით, უკრაინელმა სამხედროებმა წინ წაიწიეს ზაპოროჟიის ფრონტზე, დასახლება ვერბოვესთან, სადაც ოკუპანტები იძულებული გახდნენ, თავიანთი პოზიციები დაეტოვებინათ.

ასევე, უკრაინელთა წინსვლა შეინიშნება დასახლება რობოტინესთან, სადაც ოკუპანტების რამდენიმე შეტევაა მოგერიებული.

უკრაინის არმიის გენშტაბის ცნობით, 2 იანვრის ღამეს ოკუპანტებმა ისევ მიიტანეს მასობრივი საჰაერო იერიშები, თუმცა, უკრაინის ქალაქების ურავლესობაში ძალიან კარგად იმუშავა ჰსთ სისტემებმა. 

საერთო ჯამში, ვოლოდიმირ ზელენსკის თქმით, 4 დღის განმავლობაში, რუსეთმა უკრაინის ქალაქების მიმართულებით 300-ზე მეტი ფრთოსანი რაკეტა და 200-ზე მეტი “შაჰიდი” გაუშვა, ხოლო 29 დეკემბრის მასობრივი იერიშის შედეგად დაღუპულთა რაოდენობა მშვიდობიან მოქალაქეებს შორის, 30-მდე გაიზარდა. 

როგორც Forbes წერს, რუსეთმა 2 იანვარს უკრაინაზე შეტევისთვის დახარჯა 620 მილიონი აშშ დოლარი (რაკეტების ფასი), 29 დეკემბრის მასობრივი შეტევა კი 1,27 მილიარდი აშშ დოლარი “ღირდა”.

წინა სტატიაივანიშვილი პოლიტიკაში ბრუნდება
შემდეგი სტატიაახალმა წელმა ზოოპარკში კარგად ჩაიარა, ყველა ცხოველი კარგადაა – დირექტორი
ტელეკომპანია ოდიშის საინფორმაციო სამსახური