თბილისის ზოოპარკის დირექტორი ზურაბ გურიელიძე ეხმიანება საახალწლო ფეიერვერკებთან დაკავშირებულ პერიპეტიებს და აღნიშნავს, რომ ზოოპარკის ახლოს მცხოვრებლებმა გაითვალისწინეს ადმინისტრაციის თხოვნა, პიროტექნიკის გამოყენებისგან თავის სეკავების შესახებ, ცხოველების უსაფრთხოების უზრუნველყოფის მიზნით.
მანამდე ზოოპარკმა გაავრცელა თხოვნა პიროტექნიკის გამოყენებისგან თავის შეკავების შესახებ და მოიყვანა შარშანდელი მაგალითი, როცა ხმაურის გამო, ახალი წლის ღამეს, ახალშობილ გნუს გული გაუსკდა და მოკვდა.
„ჩვენმა მეზობლებმა გაითვალისწინეს ჩვენი თხოვნა და არ ყოფილა არცერთი გასროლა. დიდი მადლობა მათ. ახალმა წელმა ზოოპარკში მშვიდად ჩაიარა. ცხოველები კარგად არიან. კარგი იქნება, მთელმა საზოგადოებამ მიბაძოს ზოოპარკის ახლო-მახლო მცხოვრებ საზოგადოებას,“ — ამბობს ზოოპარკის დირექტორი „პალიტრანიუსთან“ საუბრისას.