პუტინმა ომი არ უნდა მოიგოს – ჟოზეფ ბორელი ფიქრობს, რომ თუ რუსი დიქტატორი უკრაინას დაამარცხებს, ამით ზიანი ევროპულ დემოკრატიას მიადგება.
ევროკავშირის უმაღლესი წარმომადგენელი მთელი მსოფლიოს გასაგონად ამბობს, რომ საჭიროა უკრაინის გაძლიერებული მხარდაჭერა და ტრაგედიის შეჩერება ღაზის სექტორში. იმისათვის, რომ ევროპული დემოკრატია გადარჩეს, ბორელი გამოდის ინიციატივით, მოკავშირეებმა შესაძლებლობების სრული მობილიზაცია მოახდინონ.
უკრაინის წინააღმდეგ რუსეთის ომი საფრთხეს უქმნის არა მხოლოდ კიევს, არამედ ევროპულ დემოკრატიას, თუ ვლადიმერ პუტინი გაიმარჯვებს, ევროკავშირის პროექტი მნიშვნელოვნად დაზიანდება. თუ ჩვენ არ შევცვლით კურსს უახლოეს მომავალში და არ მოვახდენთ მთელი ჩვენი შესაძლებლობების მობილიზებას, თუ პუტინს მივცემთ საშუალებას, მოიგოს ომი უკრაინაში და ვერ შევაჩერებთ ტრაგედიას ღაზაში, ჩვენს პროექტს მნიშვნელოვანი ზიანი მიადგება”, – განაცხადა ბორელმა.