სტრასბურგმა ოთხოზორიას სასტიკ მკვლელობაზე პასუხისმგებლობა რუსეთს დააკისრა

0
101

ხურჩა-ნაბაკევის გამშვებ პუნქტთან სასტიკად მოკლული გიგა ოთხოზორიას საქმეზე ისტორიული გადაწყვეტილება მიღებულია – სტრასბურგმა რუსეთს 130 000 ევრო დაეკისრა. ინფორმაცია რამდენიმე წუთის წინ, ადვოკატმა გიორგი ტაბატაძემ გაავრცელა.

გადაწყვეტილებით კიდევ ერთხელ, სამართლებრივად დადასტურდა, რომ აფხაზი ე.წ. მესაზღვრე გადმოვიდა საქართველოს კონტროლირებად ტერიტორიაზე, მოკლა ჩვენი მოქალაქე და აღნიშნულ ფაქტზე ევროპულმა სასამართლომ პასუხისმგებლობა დააკისრა რუსეთის ფედერაციას.

გიგა ოთხოზორიას საქმე მოვიგეთ სტრასბურგში. რუსეთს 130 000 ევრო დაეკისრა. გიგა ოთხოზორიას საქმე იყო ჩემი პირველი საქმე რომელიც სტრასბურგში ვაწარმოე. დიდი მადლობა მინდა ვუთხრა თამუნა აბაზაძეს ამ ნდობისთვის ასევე ნინო ჯომარჯიძეს რომლის გარეშეც ვერაფერს გავხდებოდი. დიდი მადლობა მინდა ვუთხრა ქალბატონ ჯულიეტა ჭანტურიას და ნინო მატკავს რომლებიც იძულებული იყვნენ ჩვენების აღების დროს დეტალურად გაეხსენებინათ გიგას მკვლელობის დეტალები რაც ძალიან მძიმე იყო.

ჩემი იდეა იყო ამ საქმეში მომჩივანი ყოფილიყო არა მხოლოდ გიგა ოთხოზორიას დედა ან მეუღლე არამედ მთელლი ოჯახი, მათ შორის ბავშვებიც. სიმბოლურია რომ დღეს ბავშვებმა მოიგეს ეს ბრძოლა.
მიუხედავად იმისა რომ რუსეთის მხრიდან ამ გადაწყვეტილების აღსრულება სავარაუდოდ არ მოხდება ძალიან მნიშვნელოვანი საქმეა.

მარტივად რომ აგიხსნათ სამართლებრივი წიაღსვლების გარეშე, აფხაზი ე.წ. მესაზღვრე გადმოვიდა ჩვენს კონტროლირებად ტერიტორიაზე მოკლა ჩვენი მოქალაქე და აღნიშნულ ფაქტზე ევროპულმა სასამართლომ პასუხისმგებლობა დააკისრა რუსეთის ფედერაციას. მაშინ როდესაც იქნება დებატები პირდაპირ ველაპარაკოთ აფხაზებს თუ არა, ყოველთვის გახსოვდეთ რომ ევროპულმა სასამართლომაც კი თითოეულ მათ მოქმედებაზე პასუხისმგებელ პირად რუსეთი განსზღვრა. მათ ქმედებებზე სრული კონტროლი აქვს რუსეთს და ეს ჩვენს კონტროლირებად ტერიტორიაზეც კი გავრცელდა. ყოველთვის ვიამაყებ რომ მქონდა პატივი ოთხოზორიების ოჯახის ადვოკატი ვყოფილიყავი! დიდებული ოჯახის, რომლებიც აუცილებლად მიაღწევენ სამართალს!”- წერს ადვოკატი.

2016 წლის 19 მაისს 30 წლის გიგა ოთხოზორია საოკუპაციო ხაზთან, ხურჩა-ნაბაკევის გამშვებ პუნქტთან მოკლეს.

წინა სტატიაშავ სიაში შეყვანილი 4 კომპანიის მფლობელი ტენდერებს მე-5, ახალი კომპანიით იგებს – TI
შემდეგი სტატიაეს არის საქართველოს გამარჯვება, იქონიებს თუ არა მკვლელების დასჯაზე გავლენას, დამოკიდებული იქნება ხელისუფლების ნებაზე – ოთხოზორიას დედა სტრასბურგზე
ტელეკომპანია ოდიშის საინფორმაციო სამსახური