ამერიკის ელჩი საქართველოში, რობინ დანიგანი ევროპული საბჭოს 14 დეკემბრის გადაწყვეტილებას ეხმაურება და საქართველოს კანდიდატის სტატუსის მინიჭებას ულოცავს. როგორც დანიგანი ამბობს, აშშ ამაყობს, რომ ამ გზაზე მხარს გვიჭერდა და კვლავ გააგრძელებს მხარდაჭერას.
“გილოცავთ ყველა ქართველს! დღეს მართლაც ისტორიული დღეა. შეერთებული შტატები დიდი ენთუზიაზმით აღნიშნავს საქართველოს მიერ ევროკავშირის კანდიდატის სტატუსის მიღებას. ჩვენ ასევე მივესალმებით ევროპული ოჯახის გაფართოებისადმი ევროკავშირისა და მისი წევრი ქვეყნების ერთგულებას. შეერთებული შტატები თქვენთან ერთად აღნიშნავს, რომ ხართ ქართველები და – მაშასადამე ევროპელები. შეერთებული შტატები ამაყობს, რომ მხარს გიჭერდათ ამ გზაზე და ჩვენ ამ მხარდაჭერას გავაგრძელებთ. კიდევ ერთხელ გილოცავთ!” – ამბობს დანიგანი ვიდეომიმართვაში.