რუმინეთში გემიდან ქართველი მეზღვაური გადავარდა და დინებამ გაიტაცა

0
97

რუმინეთში, ღუზაზე მდგომი გემიდან ქართველი მეზღვაური გადავარდა. მას ამ დრომდე ეძებენ. მეზღვაურის გაუჩინარების ფაქტს საზღვაო ტრანსპორტის სააგენტოში ადასტურებენ. შემთხვევა გუშინ, 13 დეკემბერს მოხდა.

“საქართველოს საზღვაო ტრანსპორტის სააგენტოში შემოსული ინფორმაციით, რუმინეთში, კონსტანტას ნავსადგურის აკვატორიაში, სანაპიროდან 60 საზღვაო მილის მოშორებით, ღუზაზე მდგომი გემიდან გადავარდა ქართველი მეზღვაური.

როგორც ჩვენთვის ცნობილია, ეკიპაჟი მაშინვე შეეცადა მას საკუთარი ძალებით დახმარებოდა, გადაუგდეს სამაშველო რგოლი, თუმცა მეზღვაური დინებამ გაიტაცა და ვერ შეძლეს გემზე ამოყვანა.

რუმინეთში საქართველოს კონსულისა და რუმინეთის ზღვაზე ძებნა-გადარჩენის სამსახურისგან მიღებული ინფორმაციით, გემის კაპიტანმა მომხდარის შესახებ მაშინვე შეატყობინა შესაბამის სამსახურებს, ახლომდებარე გემებს და დაუყოვნებლივ დაიწყო სამაშველო ოპერაცია, რომელიც 13 დეკემბერს მთელი დღის განმავლობაში გაგრძელდა. მეზღვაურის ძებნის ოპერაცია ასევე დღეს, 14 დეკემბერს განახლდა და ამ დრომდე მიმდინარეობს,”- განმარტავენ სააგენტოში.

წინა სტატიაუკრაინის გაწევრიანებაზე მოლაპარაკების მიზეზი არ არსებობს -ორბანის პოზიცია უცვლელია
შემდეგი სტატიაგაფართოება ევროკავშირის ყველაზე ძლიერი შესაძლებლობაა – ბორელი
ტელეკომპანია ოდიშის საინფორმაციო სამსახური