ამის შესახებ ავდეევკის საქალაქო სამხედრო ადმინისტრაციის ხელმძღვანელმა ვიტალი ბარაბაშმა ტელემარათონის ეთერში ისაუბრა. მისი თქმით, უმძიმეს მონაკვეთებად ავდეევკის ფრონტზე ისევ რჩება სტეპნოე, კოქსოქიმია და ავდეევკის სამრეწველო ზონა.
“ახლა იქ შტურმის მესამე ფაზა დაიწყო და, რა თქმა უნდა, ოკუპანტები აქტიურებენ. პირველი ტალღა იყო, როცა ისინი ტექნიკით გადიოდნენ, როგორც აღლუმებზე. მეორე ტალღა – მიხვდნენ, რომ ასე არ შეიძლება, მათ რამდენიმე კოლონეად დაჰყვეს ეს ტექნიკა და რამდენიმე მიმართულებაზე წავიდნენ. მესამე ტალღა – ძირითადად, ქვეითთა გამოყენებაა. მე ვფიქრობ, ახლა ამინდის გაუმჯობესებას ელოდებიან, რათა მძიმე ტექნიკით მასობრივი შეტევა დაიწყონ”, – აღნიშნა ბარაბაშმა.