უკრაინულთან ერთად, უკვე რუსული ტელეგრამ-არხებიც აქვეყნებენ ინფორმაციას, რომ დროებით ოკუპირებულ სიმფეროპოლში “დივერსანტმა გოგოებმა” სამხედრო ნაწილის ჯარისკაცები არაყითა და საკვებით მოწამლეს: 20-ზე მეტი ოკუპანტი დაიღუპა, 11 კი მძიმე მდგომარეობაში, ჰოსპიტალში იმყოფება.
ჭეშმარიტად ჰოლივუდური სცენარი ასე განვითარდა: სამხედრო ნაწილთან ორი ლამაზი გოგო მივიდა, მორიგეებს ადგილობრივებად გაეცნო და არაყის, თევზეულისა და ძეხვეულის გასინჯვა, მოწონების შემთხვევაში კი ყიდვა შესთავაზა, რასაც, ცხადია, რუსი ოკუპანტები ისე დათანხმდნენ, რომ სიფრთხილის ზომები საერთოდ დაივიწყეს.
მოგვიანებით გაირკვა, რომ ალკოჰოლსა და საკვებში დიდი დოზით სხვადასხვა მომწამვლელი ნივთიერება იყო გარეული, მაგრამ როცა ეგ გაირკვა, გოგოებიც უკვე სამშვიდობოს იყვნენ და მოწამლვის საწინააღმდეგო ზომებმა ეფექტური შედეგი ვერ გამოიღო…