ქადაგიძე ქართული მართლმსაჯულებისა და ქართველი მოსამართლეების დემონიზების გამო ბოდიშს ითხოვს

0
78

იუსტიციის უმაღლესი საბჭოსა და უზენაესი სასამართლოს თავმჯდომარე ნინო ქადაგიძე ბოდიშს ითხოვს ქართული სასამართლოს დემონიზებისთვის. ჟურნალისტებმა მას ჰკითხეს არის, თუ არა 100%-ით მართალი ქართველი მოსამართლე, როდესაც მის სანქცირებაზე ხდება საუბარი.

ქადაგიძემ დღეს მედიასთან ყველა ბრალდება უარყო და ამტკიცებდა, რომ ქართული მართლმსაჯულება კორუფციისგან სრულად დაცლილა.

“ცალსახად, ყველა იმ საქმეზე, რომლის გარშემოც ატეხილი იყო აჟიოტაჟი და რომლის საფუძველზეც მოხდა ქართული მართლმსაჯულებისა და ქართველი მოსამართლეების დემონიზება, ყველა ამ საქმემ გაიარა უმაღლესი სამართლებრივი კონტროლი ევროსასამართლოში. ყველა ეს საქმე დამთავრდა საქართველოს სასარგებლოდ. ამიტომ, როცა სასამართლო სისტემა და მათ შორის მეც, როგორც ჩვეულებრივი, რიგითი მოსამართლე, მივიღებ ბოდიშს იმ საზოგადოებისგან, ვინც ეს ტალღა აგორა, აი, ამის შემდეგ იქნება პასუხი იმ კითხვაზე, რაც დასვით.

ამერიკის სახელმწიფო დეპარტამენტი, ბუნებრივია, ბოდიშს არ მოიხდის, მაგრამ დეპარტამენტიდან ველოდებით შესაბამის მტკიცებულებებს, თუ მათ სრუვილი ექნებათ და თუ თვლიან, რომ ეს ინფორმაცია არის მართალი და მეყარება შესაბამის მტკიცებულებებს, შესაბამის საფუძველს, მაშინ ეს მტკიცებულებები წარმოდგენილ უნდა იქნებს”, – თქვა ქადაგიძემ.

ცნობისთვის, 5 აპრილს აშშ-ის სახელმწიფო დეპარტამენტმა მიხეილ ჩინჩალაძეს, ლევან მურუსიძეს, ირაკლი შენგელიას და ვალერიან ცერცვაძეს კორუფციის გამო სანქციები დაუწესა. სამ მოქმედ და ერთ ყოფილ მოსამართლეს, ასევე მათ ოჯახის წევრებს აშშ-ში შესვლა აკერძალათ

წინა სტატია“არ ღირს წევრობის მოლაპარაკებების დაწყება” ორბანის აზრით, EU-მ უკრაინასთან ჯერ სტრატეგიული პარტნიორობის შეთანხმება უნდა გააფორმოს
შემდეგი სტატიადუბაიში ირაკლი ღარიბაშვილი შარლ მიშელს შეხვდა
ტელეკომპანია ოდიშის საინფორმაციო სამსახური