ვეთანხმები “ლელოს” დერუსიფიკაციის გეგმას, ასევე ვიწონებ კონცეფციას, რომ შუა უნდა შეიკრიბოს – მიხეილ სააკაშვილი

0
88

საქართველოს მესამე პრეზიდენტი, მიხეილ სააკაშვილი სოციალურ ქსელში განცხადებას ავრცელებს და ამბობს, რომ მთლიანად ეთანხმება “ლელოს” დერუსიფიკაციის კონცეფციას. მისი თქმით, ყველა პარტიამ თავისის საუკეთესო თვისებები უნდა გამოავლინოს და იწონებს კონცეფციას, რომ შუა უნდა შეიკრიბოს.

“მთლიანად ვეთანხმები “ლელოს” მიერ წამოყენებულ დერუსიფიკაციის კონცეფციას. დერუსიფიკაცია უნდა იყოს სწორედ ის, რაც ყველამ უნდა აკეთოს და რისი გადადებაც იგივეა, რომ რაიმე მძიმე დაავადება მკურნალობის გარეშე მიუშვა.

რუსული ვირუსი, რომელიც სიკვდილით ემუქრება ჩვენს ეროვნულ ორგანიზმს, მთელი საზოგადოების იმუნიტეტისა და ძალების მობილიზებას საჭიროებს. ამ მობილიზაციაში ყველას თავისი ფრონტი აქვს. “გამარჯვების კოალიციამ” უნდა გამოავლინოს თავისი საუკეთესო თვისებები, სხვა პარტიებმა – თავისი და ამაში მათ წარმატებას ვუსურვებ. ამიტომ ასევე ვიწონებ კონცეფციას, რომ შუა უნდა შეიკრიბოს”, – წერს მიხეილ სააკაშვილი.

წინა სტატიაIII კვარტალში საქართველოდან საზღვარგარეთ ყველაზე ხშირად საყიდლების მიზნით გავიდნენ
შემდეგი სტატიააქუბარდიამ კომიტეტზე გინტურის მკვლელობაზე რეზოლუციის პროექტის განხილვა მოითხოვა – სარჯველაძემ პროცედურული მიზეზით, უარი თქვა
ტელეკომპანია ოდიშის საინფორმაციო სამსახური