III კვარტალში საქართველოდან საზღვარგარეთ ყველაზე ხშირად საყიდლების მიზნით გავიდნენ

0
83

2023 წლის III კვარტალში საზღვარგარეთ საქართველოს ტერიტორიიდან რეზიდენტი მოგზაურების 819.9 ათასი გასვლა დაფიქსირდა, რაც წინა წლის ანალოგიური პერიოდის მაჩვენებელზე 18.2%-ით მეტია. საქსტატის მონაცემების მიხედვით, გასვლების უდიდესი ნაწილი (45.4%) 31-50 წლის მოგზაურების მიერ განხორციელდა.

397.6 ათასი იყო ტურისტული ტიპის ვიზიტი, რაც 38.2%-ით მეტია წინა წლის ანალოგიური პერიოდის მაჩვენებელზე. ყველაზე მეტი ვიზიტი – 33.4% – საყიდლების მიზნით განხორციელდა. მათი უმეტესობა განხორციელდა თურქეთში (41,5%), 16% სომხეთში, 14,4% რუსეთში, 14% კი ევროკავშირის წევრ ქვეყნებში.

აღნიშნული რაოდენობიდან საქართველოს რეზიდენტი ვიზიტორების მიერ საზღვარგარეთ განხორციელებული ვიზიტების რაოდენობამ 647.2 ათასი შეადგინა, რაც 21.7%-ით მეტია 2022 წლის ანალოგიური პერიოდის მაჩვენებელზე.

განხორციელებული ვიზიტებისას გაწეული ხარჯები კი 592.4 მილიონ ლარს გაუტოლდა, რაც 7.1%-ით მეტია წინა წლის ანალოგიური პერიოდის მაჩვენებელზე. ვიზიტზე საშუალო ხარჯი 2022 წლის III კვარტალთან შედარებით 12%-ითაა შემცირებული და 915.3 ლარს შეადგენს.

წინა სტატიაამოქმედდა ცვლილება, რომლითაც ღია სივრცეში ძაღლის საბელის ან ალიკაპის გარეშე ყოლაზე ჯარიმა გაიზარდა
შემდეგი სტატიავეთანხმები “ლელოს” დერუსიფიკაციის გეგმას, ასევე ვიწონებ კონცეფციას, რომ შუა უნდა შეიკრიბოს – მიხეილ სააკაშვილი
ტელეკომპანია ოდიშის საინფორმაციო სამსახური