ჩვენ არ ვხედავთ რაიმე მყისიერ რისკს საქართველოში სამხედრო ოპერაციასთან დაკავშირებით, მაგრამ აუცილებელია, რომ ქვეყანამ გააძლიეროს თავდაცვის შესაძლებლობები – ამბობს ნატოს სამოკავშირეო ოფისის ხელმძღვანელი, რომელიც საქართველოს პოლიტიკის ინსტიტუტის ორგანიზებითა და ბრიტანეთის საელჩოს ხელშეწყობით გამართულ ღონისძიებას ესწრება.
დისკუსია მიმდინარეობს თემაზე, როგორი უნდა იყოს საქართველოს უსაფრთხოების პოლიტიკა დიდი გეოპოლიტიკური ცვლილებების ფონზე.
შეხვედრაზე პოლიტიკის ანალიტიკოსებმა და უსაფრთხოების სპეციალისტებმა ახალი დოკუმენტი წარმოადგინეს, რომელიც რუსეთისგან მომავალი რისკების მართვას ეხება.
“რუსეთის მიერ უკრაინაში არაპროვოცირებული და სასტიკი აგრესიის გამო, ნატოს ლიდერებმა მიიღეს გადაწყვეტილება, გაეძლიერებინათ პარტნიორების მხარდაჭერა, რომლებთან დაკავშირებითაც, ჩვენ ვფიქრობთ, რომ რუსეთის მხრიდან ჩარევის მაღალი რისკები არსებობს. საქართველო რა თქმა უნდა რთულ მდგომარეობაშია, რუსული ძალები კვლავ საქართველოს სუვერენულ ტერიტორიებზე არიან საქართველოს თანხმობის გარეშე. გარდა ამისა ცხადია, რომ საქართველო ძალიან რთულ რეგიონშია და ნატო მხარს უჭერს საქართველოს პოლიტიკურ დამოუკიდებლობას, სუვერენიტეტსა და ტერიტორიულ მთლიანობას საერთაშორისოდ აღიარებულ საზღვრებში. ჩვენ არ ვხედავთ რაიმე მყისიერ რისკს საქართველოში სამხედრო ოპერაციასთან დაკავშირებით, მაგრამ რა თქმა უნდა, აუცილებელია, რომ ქვეყანამ გააძლიეროს თავდაცვის შესაძლებლობები. საქართველოს მთავრობა რა თქმა უნდა პასუხისმგებელია რომ უზრუნველყოს ქვეყნის შიდა უსაფრთხოება.” ამბობს ალექსანდრე ვინიკოვი