ვაშინგტონის მიერ უკრაინისთვის სასიცოცხლოდ საჭირო შეიარაღების მიწოდებასა და იმ პაკეტის დამტკიცებას, რომელსაც კონგრესში რესპუბლიკელები ეწინააღმდეგებიან, შესაძლოა, კიდევ ერთი თვე ან მეტი დასჭირდეს, – ამის შესახებ Bloomberg წერს.
აშშ-ის მთავრობას დაფინანსება კონგრესმა იანვრამდე გაუხანგრძლივა, მაგრამ მასში არ შედის არც უკრაინის, არც ისრაელის სამხედრო მხარდაჭერის დაფინანსება, რაც იმას ნიშნავს, რომ უკრაინის შეიარაღებული ძალები სასიცოცხლოდ საჭირო შეიარაღების გარეშე დარჩება.
უკრაინის მომხრეები კონგრესში დიდ ბრძოლაში არიან ჩაბმული, რათა დახმარების დიდი პაკეტი დამტკიცდეს. ამავდროულად კი უკრაინის შეიარაღებულ ძალებს უკვე უმთავრდება საწვავი და შეიარაღებისთვის საჭირო მასალები, – წერს გამოცემა.