“ნაციონალური მოძრაობა” ისტორიის სირცხვილია – იუსტიციის მინისტრი

0
131

“მართლაც რომ ისტორიის სირცხვილი არის ენმ და საერთოდ გასაკვირია, რომ გამოფენილი გაქვთ ეს დროშა და კიდევ მაგაზე მელაპარაკებით, ყოფილ მთავარსარდალზე, რომელმაც საქართველოს მოქალაქეობა დატოვა,” – ამ სიტყვებით მიმართა ოპოზიციას იუსტიციის მინისტრმა რატი ბრეგაძემ.

მინისტრმა ენმ იმ მიხეილ სააკაშვილის გამოსახულებიანი დროშის სხდომათა დარბაზში გადმოფენის გამო გააკრიტიკა. რატი ბრეგაძემ ყოფილი ხელისუფლების წარმომადგენლები რუსეთთან “საინფორმაციო ომის” წაგებაში დაადანაშაულა.

ეს მემკვიდრეობა დაგვრჩა ნაციონალური მოძრაობისგან. წაგებული იყო სრულად საინფორმაციო ომი, ამათ წაკითხულიც არ აქვთ, რაზე აქვთ ხელი მოწერილი, ვინც მოაწერა, იმას ეცოდინებოდა სავარაუდოდ. ეს მემკვიდრეობა დატოვეს. ამ ყველაფრის მერე ქართულმა სახელმწიფომ, კერძდ იუსტიციის სამინისტრომ და თანამშრომლებმა შეძლეს ის, რომ რუსეთის წინააღმდეგ მოგვეგო აბსოლუტურად ყველა დავა და დღეს რუსეთს დაეკისრა მათ შორის კომპენსაციის გადახდა და განახლდა და წარმოებაში მიიღო სტრასბურგის სასამართლომ ე.წ. მცოცავი ოკუპაციის საქმე, თუმცა ამ ადამიანების დამოკიდებულება ყველამ მკაფიოდ ნახა და მე ვსაუბრობ მხოლოდ დოკუმენტებით. ერთ სიტყვას არ ვამატებ ჩემსას, თუ ვინმეს კითხვის ნიშანი აქვს იკითხოს, მათ მიერვე მოწერილ რეზოლუციას ხელს მივაწვდით, რაც არის სირცხვილი და მართლაც რომ ისტორიის სირცხვილი არის ენმ და საერთოდ გასაკვირია, რომ გამოფენილი გაქვთ ეს დროშა და კიდევ მაგაზე მელაპარაკებით, ყოფილ მთავარსარდალზე, რომელმაც საქართველოს მოქალაქეობა დატოვა,“ – ამბობს ბრეგაძე.

#FREEMISHA – ენმ-ის დეპუტატებმა მიხეილ სააკაშვილის გამოსახულებიანი პლაკატი პარლამენტში გადმოფინეს და ამ გზით გააპროტესტეს მისი უკანონო პატიმრობა.

წინა სტატიაგადადგეს და შეუერთდეს ჩახდილებს – ზარქუა ზურაბიშვილზე
შემდეგი სტატია“ოცნების” დეპუტატმა თინა ბოკუჩავას შეაგინა, წითლიძეს კი მიკროფონი მოუქნია
ტელეკომპანია ოდიშის საინფორმაციო სამსახური