“ინატრე და გეშინოდეს”- ზუგდიდის შალვა დადიანის სახელმწიფო დრამატულმა თეატრმა პრემიერა წარმოადგინა.
(რეჟისორი და კომპოზიტორი-მერი ბეროშვილი)
ავსტრიელი მწერლის, დრამატურგის და ნობელის პრემიის ლაურეატის პეტერ ჰანდკეს პიესები საქართველოში პირველად, ზუგდიდში დაიდგა. პრემიერაზე სტუმრად იმყოფებოდა ავსტრიის ელჩი საქართველოში – თომას მიულმანი, რომელმაც ჰანდკეს მნიშვნელობაზე ისაუბრა.
სპექტაკლი დაფინანსებულია კულტურის სამინისტროს კონკურსის “ქალი რეჟისორების მხარდაჭერა” ფარგლებში. ჰანდკეს რომანები ძირითადად უკიდურესად ობიექტური ხასიათისაა, მათში ავტორი ექსტრემალურ სიტუაციაში მყოფი პერსონაჟების მდგომარეობას უემოციოდ, აუღელვებლად აღწერს. მწერლის შემოქმედების წამყვანი თემა ყოველდღიური რეალობის და რაციონალური წესრიგის გამანადგურებელი ეფექტები და ძირეული ირაციონალიზმია. 1960-იანი წლების ბოლოს, ჰანდკემ, როგორც ავანგარდული დაჯგუფების წევრმა, აღიარება მოიპოვა პიესებით