ხალხის რჩეულები ხელფასებს იორმაგებენ – პარლამენტის თავმჯდომარე უკვე 1 საათზე მეტია ასაბუთებს, რატომ უნდა გაეზარდოთ რეკორდულად ხელფასები მომდევნო მოწვევის დეპუტატებს. საკითხზე კენჭისყრა დღესვეა დაგეგმილი. ხელფასის მომატებას “ოცნების” მილიონერი დეპუტატებიც ემხრობიან.
ოპოზიცია ინიციატივას მხარს არ უჭერს.
მე არ ვთვლი, რომ ეს არის პროპორციული იმ მდგომარეობის, რაც წელს პარლამენტში იყო. საკმაოდ ბევრი მილიონერი გვყავს, ვისაც ნამდვილად არ სჭირდება ხელფასი, – უთხრა პარლამენტის თავმჯდომარეს ხატია დეკანოიძემ.
ენმ-ს წევრი ანი წითლიძე კი დაინტერესდა, უქმნის თუ არა მმართველ პარტიას უხერხულობას ის ფაქტი, რომ სკოლებში ამ დრომდე უფასო კვების საკითხი მოუგვარებელია.
გვაქვს ეს 35% ბავშვების შიმშილის სკოლებში და ჯერ კიდევ ამასთან დაკავშირებით ვერაფერს ვშვრებით, აქ ცოტა უხერხულობა ხომ არ არის?, – თქვა ანა წითლიძემ.