ენმ-ის თბილისის ორგანიზაციის თავმჯდომარე ზაზა გოგავა, აღმასრულებელი მდივანი ირაკლი ნადირაძე იქნება | ხაბეიშვილი

0
151

“ერთიანი ნაციონალური მოძრაობის” თავმჯდომარემ, ლევან ხაბეიშვილმა, პარტიის თბილისის ორგანიზაციის თავმჯდომარედ ზაზა გოგავა, ხოლო აღმასრულებელ მდივნად ირაკლი ნადირაძე წარადგინა.

“ნაციონალურ მოძრაობას” უკანასკნელი 9 თვის განმავლობაში უკვე და უფრო მეტის, არ ჰყოლია თბილისის ორგანიზაციის პარტიის თავმჯდომარე. იცით რომ აპრილის თვეში ირაკლი ნადირაძეს დაევალა სამუშაო ჯგუფის ხელმძღვანელობა, ლოჯისტიკის აწყობა ჩვენს ადგილობრივ პარტიის თავმჯდომარეებთან ერთად, ის ასევე იკავებდა აღმასრულებელი მდივნის თანამდებობას, ირაკლი ნადირაძე ამ მიმართულებით მუშაობას გააგრძელებს და ის იქნება თბილისის ორგანიზაციის აღმასრულებელი მდივანი… და ასევე, მე მინდა დღეს საზოგადოებას წარვუდგინო “ნაციონალური მოძრაობის” თბილისის პარტიის ახალი თავმჯდომარე და ეს იქნება ზაზა გოგავა, პარტიაში ეს გადაწყვეტილება იქნა მიღებული და მე პირადად მივიღე ეს გადაწყვეტილება, რომ ბატონი ზაზა გოგავა იქნება თბილისის “ნაციონალური მოძრაობის” პარტიის თავმჯდომარე, მას ჩემი მხრიდან ზედმეტი წარდგენა არ სჭირდება,” – თქვა ხაბეიშვილმა წარდგენისას.

მინდა ვუთხრა ყველას, ვინც წარმოადგენს „ერთიან ნაციონალურ მოძრაობას“, თბილისის ორგანიზაციას, ჩვენს ამომრჩევლებს, რომ დღეიდან ისინი კიდევ ერთი წარმომადგენლით გაძლიერდებიან ჩემი სახით. მე ვიქნები ყველგან, სადაც დაჭირდება ჩვენს ამომრჩეველს, ჩვენს პარტიულ ორგანიზაციას, ვიდგე მათ გვერდით, სწრაფად გავიარო ის პროცესი, რომ ამ ორგანიზმში სწრაფად მოვახერხო ადაპტირება და შემდეგ უკვე ჩვენს დაუღალავ, გმირ ამომრჩევლებთან ვიბრძოლოთ იმ პრინციპებისთვის, რომელიც გააჩნია „ნაციონალურ მოძრაობას.“ – განაცხადა ზაზა გოგავამ.

წინა სტატიაარჩევნები ჩატარდება 5%-იანი ბარიერით | კობახიძე ბარიერის დაწევაზე მისივე განცხადებას განმარტავს
შემდეგი სტატია“რუსეთი ეძებს ალტერნატივებს” | სტოლტენბერგი ოკუპირებულ ოჩამჩირეში, რუსულ სამხედრო ბაზაზე
ტელეკომპანია ოდიშის საინფორმაციო სამსახური