საბა მარგიანი ღამით, თბილისის ერთ-ერთ ბართან მომხდარი მასობრივი ჩხუბის შესახებ წერს, რა დროსაც 30-მდე ადამიანმა სამი ახალგაზრდა დაჭრა. მარგიანმა ფოტოებიც გამოაქვეყნა. მისი თქმით, სასწრაფომ დააგვიანა, ხოლო გამვლელები მომხდარ ჩხუბს აბსოლუტური გულგრილობით მოეკიდნენ:
“გუშინ გვიან შევესწარით ამ ფაქტს,რამაც სრულიად დაგვაგდო ყველა, უმოწყალოდ ყველანაირი ადამიანობის გარეშე 30-მდე
პირმა დანით დაჭრა 3 ახალგაზრდა.
ერთი კეფაში და ზურგში ფილტვთან ახლოს არის დაჭრილი, მეორე ხელის კუნთში… (ფოტოებშიც ჩანს)
რომ არა იმ წუთას თორნიკე აკოფაშვილი, ადგილზევე ორივე მათგანი სისხლისგან დაიცლებოდა, სასწრაფომ დააგვიანა, მიუხედავად იმისა იცოდნენ რაც ხდებოდა.
ხალხის და გამვლელების რეაგირება ამ ყველაფერთან დაკავშირებით ნულოვანი იყო.
უამრავი რაოდენობის კრიმინალი ქვეყანაში…
ბოდიში მძიმე ფოტოებისთვის”, – წერს საბა მარგიანი.
