ვოლოდიმირ ზელენსკი – რუსეთი ზამთრისთვის ემზადება

0
132
Ukrainian President Volodymyr Zelensky addresses a joint press conference with Spain's Prime Minister following their talks in Kyiv, on July 1, 2023. Spanish Prime Minister Pedro Sanchez arrived in Kyiv on July 1, 2023, to signal EU support for Ukraine as the country's commander-in-chief said he was frustrated by the slow deliveries of Western weapons. (Photo by Sergei CHUZAVKOV / AFP) (Photo by SERGEI CHUZAVKOV/AFP via Getty Images)

უკრაინის პრეზიდენტის, ვოლოდიმირ ზელენსკის განცხადებით, რუსეთმა უკრაინის ინფრასტრუქტურაზე, შესაძლოა, თავდასხმების რაოდენობა გაზარდოს და უკრაინამ ყურადღება ტერორისტებისგან დაცვასა და მათზე რეაგირებაზე უნდა გაამახვილოს.

„მზად უნდა ვიყოთ იმისთვის, რომ მტერმა შესაძლოა გაზარდოს თვითმფრინავების ან სარაკეტო თავდასხმების რაოდენობა ჩვენს ინფრასტრუქტურაზე.

რუსეთი ზამთრისთვის ემზადება და აქ, უკრაინაში, მთელი ყურადღება უნდა იყოს მიმართული დაცვაზე, ტერორისტებისთვის პასუხის გაცემაზე, ყველაფერზე, რისი გაკეთებაც უკრაინას შეუძლია იმისთვის, რომ გაუადვილოს ჩვენს ხალხს ამ ზამთრის გადალახვა და ჩვენი ჯარისკაცების შესაძლებლობები გაზარდოს“, – აღნიშნა ზელენსკიმ.

უკრაინის პრეზიდენტმა მადლობა გადაუხადა ყველა პარტნიორს, ვინც უკრაინას საჰაერო თავდაცვაში დაეხმარა.

„ეს არის სხვადასხვა ქვეყნები: შეერთებული შტატები, გერმანია, საფრანგეთი, დიდი ბრიტანეთი, ნორვეგია, იტალია, რუმინეთი, ეს არის შვედეთი, ნიდერლანდები, სლოვაკეთი, ჩეხეთი, ბულგარეთი, პოლონეთი, ბალტიის ქვეყნები და სხვა. “პეტრიოტები”, “ნასამსები”, “აირისები” და სხვა სისტემები. ახლა ყველაფერზე ღიად ვერ ვისაუბრებთ, მაგრამ უკრაინის საჰაერო ფარი უკვე უფრო ძლიერია ვიდრე შარშან. არსებობს. უკვე სხვა შესაძლებლობებია, მაგრამ სამწუხაროდ, მთელი ტერიტორიის სრული დაცვა ვერ ხდება და ვმუშაობთ, რომ ის კიდევ უფრო გაძლიერდეს“, – განაცხადა პრეზიდენტმა.

წინა სტატიააშშ-მა სირიაში ირანის ორ ბაზაზე საჰაერო დარტყმები განახორციელა – ოსტინი
შემდეგი სტატიაყველაზე დიდი მტერი საქართველოს ჰყავს რადიკალური ოპოზიციის სახით, რა რუსეთზეა საუბარი – კალაძე
ტელეკომპანია ოდიშის საინფორმაციო სამსახური