სირცხვილია: 15 და 17 ნოემბერს ლაზარე გრიგორიადისის დასკვნითი პროცესებია, მხარდაჭერა დარბაზში გავაგონოთ

0
149

მოძრაობა “სირცხვილია” მოქალაქეებს მოუწოდებს, რომ 15 და 17 ნოემბერს, მარტის აქციებზე დაკავებულ ლაზარე გრიგორიადისის დასკვნითი პროცესებია და მას მხარდაჭერა სასამართლო დარბაზში გამოუცხადონ.

მოძრაობა ამბობს, რომ ლაზარე გრიგორიადისი არის იმედისა და გამძლეობის მაგალითი:

“15 და 17 ნოემბერს ლაზარე გრიგორიადისის დასკვნითი სასამართლო პროცესები გაიმართება. ლაზარე ხელისუფლების შურისძიების სამიზნეა და ჩვენ შეგვიძლია, რომ მას ჩვენი მხარდაჭერა სასამართლოს დარბაზში გავაგონოთ.

ლაზარე გრიგორიადისი არის იმედისა და გამძლეობის მაგალითი, რომელიც განასახიერებს ჩვენი ქვეყნის სწრაფვას ევროპული მომავლისკენ. მისი ბრძოლა საქართველოს მოქალაქეების კოლექტიური შეუპოვრობის სიმბოლოა. ყველა იმ ადამიანისა, რომელიც მტკიცედ იბრძოდა და იბრძვის საქართველოში რუსული გავლენის წინააღმდეგ, ევროკავშირისკენ მიმავალ გზაზე.

ამ გზაზე მიღწეული ნებისმიერი წარმატება საქართველოს მოქალაქეების ბრძოლის შედეგია. ეს ბრძოლა არასდროს იყო მარტივი და ყოველ გამარჯვებას საკუთარი ფასი ჰქონდა. ჩვენ ერთად ვქმნით მომავალს, რომელიც პატივს სცემს თითოელი მოქალაქის გაღებულ ძალისხმევასა და მსხვერპლს.

მხარი დავუჭიროთ ლაზარეს 15 და 17 ნოემბერს, საქალაქო სასამართლოში”, – წერია განცხადებაში.

წინა სტატიაყველაზე დიდი მტერი საქართველოს ჰყავს რადიკალური ოპოზიციის სახით, რა რუსეთზეა საუბარი – კალაძე
შემდეგი სტატიაკომიტეტმა მხარი დაუჭირა ინიციატივას, რომლითაც გზების ნაწილზე მოძრაობისთვის ზამთრის საბურავები სავალდებულო ხდება
ტელეკომპანია ოდიშის საინფორმაციო სამსახური