“შემიძლია, სრული პასუხისმგებლობით ვთქვა, რომ ასეთი ნაბიჯი რომ გადაიდგას, ექნება საზოგადოების უმკაცრესი რეაქცია და უმკაცრესი პასუხი”, – ეს განცხადება იურიდიულ საკითხთა კომიტეტის თავმჯდომარემ ანრი ოხანაშვილმა გააკეთა და სალომე ზურაბიშვილის მხრიდან მესამე პრეზიდენტის შესაძლო შეწყალების საკითხს გამოეხმაურა.

სალომე ზურაბიშვილის წინააღმდეგ საკონსტიტუციო სარჩელის ერთ-ერთი ავტორი, ფაქტობრივად, პრეზიდენტს ემუქრება და ამბობს, რომ თუ სალომე ზურაბიშვილი სააკაშვილს შეიწყალებს, მაშინ ის “საზოგადოების მკვეთრ რეაქციას” მიიღებს.

ეს იქნება ანტიეროვნული, ანტიქართული გადაწყვეტილება, ეს იქნება ანტიევროპული გადაწყვეტილება, რომელიც ფეხქვეშ გათელავს ჩვენი საზოგადოების აბსოლუტური უმრავლესობის ინტერესებს. რა თქმა უნდა, ამაზე იქნება ჩვენი საზოგადოების მკვეთრი რეაქცია და ვურჩევდი, რომ ამ საკითხს სახუმაროდ ნუ შეხედავენ და ნუ ცდილობენ ნიადაგის შემზადებას, ნუ ცდილობენ ჩვენი საზოგადოების მოთმინების დატესტვას,” – ამბობს ოხანაშვილი.