საფრანგეთის პრეზიდენტი, ემანუელ მაკრონი ხუთშაბათს გამოვიდა ჰუმანიტარული პაუზის მოწოდებით ისრაელსა და “ჰამასს” შორის მიმდინარე ომში. მაკრონმა გახსნა საერთაშორისო ჰუმანიტარული კონფერენცია ღაზის სექტორისთვის, პარიზში.
G7 ჯგუფმა – რომელშიც შედის საფრანგეთი – იგივე თქვა გუშინ, ტოკიოში საგარეო საქმეთა მინისტრების შეხვედრაზე.
მაკრონმა ასევე თქვა, რომ საფრანგეთის დახმარება პალესტინელებისთვის მომავალ წელს ხუთჯერ გაიზრდება, 20 მილიონი ევროდან (17,4 მილიონი ფუნტი) წელს 100 მილიონ ევრომდე (87 მილიონი ფუნტი) 2024 წელს.
მისივე თქმით, ღაზაში მშვიდობიანი მოსახლეობის დაცვა “მოლაპარაკებას არ ექვემდებარება”. კონფერენციას გაეროს სააგენტოები და ევროკავშირის ლიდერები ესწრებოდნენ. ისრაელი – არა.
საფრანგეთის პრეზიდენტმა ასევე მოითხოვა ღაზაში მყოფი მძევლების დაუყოვნებლივ გათავისუფლება “უპირობოდ”.