ევროპარლამენტარი ანა ფოტიგა საოკუპაციო ძალების მიერ თამაზ გინტურის მკვლელობისა და ლევან დოთიაშვილის გატაცების ფაქტებზე რეზოლუციის მიღებას ითხოვს.

მან ინიციატივა ევროპარლამენტის სხდომაზე გააჟღერა.

“6 ნოემბერს საქართველოს 2 მოქალაქე, თამაზ გინტური და ლევან დოთიაშვილი საოკუპაციო ხაზის მახლობლად მდებარე ეკლესიაში მივიდნენ. მათ ასევე სურდათ იქვე მდებარე სასაფლაოს მონახულება, მათ ამ დროს რუსი ოკუპანტები დაესხნენ თავს. თამაზ გინტური მოკლეს, ლევან დოთიაშვილი კი გაიტაცეს და დაკავებული ჰყავთ ოკუპირებულ ტერიტორიაზე. მინდა მოვითხოვო დებატები ამ საკითხზე და რეზოლუციის მიღება”, – თქვა ევროპარლამენტარმა.

მოგვიანებით ანა ფოტიგამ X-ზე (ყოფილი Twitter) დაწერა, რომ ევროკომისია აღნიშნულ რეზოლუციას კენჭს ნოემბრის სესიაზე უყრის.

I requested today to add to the EP plenary agenda the Council and Commission statement on the killing of Tamaz Ginturi, a Georgian citizen, by Russia’s occupying forces in Georgia, with resolution to be voted in November II. pic.twitter.com/mklXV7a4ha

— Anna Fotyga (@AnnaFotyga_PE) November 8, 2023