“ჩვენი ხმა ევროპას” | პრეზიდენტის პეტიცია და მიმართვა ევროპელ ლიდერებს

0
100

“ჩვენი ხმა ევროპას” – ამ სახელწოდებით პეტიცია საქართველოს პრეზიდენტმა, სალომე ზურაბიშვილმა დააინიცირა. ის ევროპელ ლიდერებს მიმართავს და საქართველოსთვის კანდიდატი ქვეყნის სტატუსის მინიჭებას სთხოვს. ამ წუთებშიც, ორბელიანების სასახლესთან, მოქალაქეები პრეზიდენტის პეტიციას ხელს აწერენ.

“ჩვენ, საქართველოს მოქალაქეები, მოგმართავთ თქვენ – ევროპის ლიდერებს – დეკემბრის ისტორიულ გადაწყვეტილებამდე. გვსურს მოგაწვდინოთ ჩვენი, ხალხის ერთობლივი ხმა და დაგანახოთ ჩვენი ერთობლივი სულისკვეთება.

მოგმართავთ, მიანიჭოთ ჩვენს ქვეყანას კანდიდატის სტატუსი, თანახმად საქართველოსა და მისი ხალხის მრავალწლიანი მიზანმიმართული სწრაფვისა და ურყევი ნებისა. საქართველოს ხალხის გამოხატული ნება ვერ შეარყია ვერცერთმა ურთულესმა გამოწვევამ – ვერც ომმა და ვერც ოკუპაციამ. ჩვენი წარსულით და საერთო ღირებულებებით დიდი ხანია ერთნი ვართ. მაშასადამე, ჩვენი მომავალი თქვენთანაა, ევროპაშია და ამას ალტერნატივა არ გააჩნია!

საქართველოს კონსტიტუციაში ჩაწერილი პირობის თანახმად, ძალისხმევას არ დავიშურებთ და არაფერს დავაკლებთ ჩვენს მიზანს: სხვადასხვა პოლიტიკური მსოფლმხედველობის მიუხედავად, ერთობის ძალით ხელს ვაწერთ ამ პეტიციას და ვითხოვთ კანდიდატის სტატუსს”, – წერია პეტიციის ტექსტში.

წინა სტატიასასწრაფოდ: ოკუპირებულ აფხაზეთში “ქართულ დივერსიულ ჯგუფს” ეძებენ, სოხუმი ჩაკეტილია
შემდეგი სტატიაჩვენი ხმა ევროპას – ხელმოწერების შეგროვება დაიწყო (პეტიცია)
ტელეკომპანია ოდიშის საინფორმაციო სამსახური