ჩვენი ხმა ევროპას – ხელმოწერების შეგროვება დაიწყო (პეტიცია)

0
106

ჩვენი ხმა ევროპას – საქართველოს პრეზიდენტის ადმინისტრაცია პეტიციას, ავრცელებს, რომელზე ხელმოწერაც ნებისმიერ მსურველს შეუძლია.

პეტიციაზე ხელმოწერით საქართველოს მოქალაქეები მიმართავენ ევროპის ლიდერებს, რომ მიანიჭონ საქართველოს კანდიდატის სტატუსი.

ხმის მიცემა შესაძლებელია, როგორც ონლაინ, ისე ადმინისტრაციაში მისვლით.

„ჩვენ, საქართველოს მოქალაქეები,

მოგმართავთ თქვენ – ევროპის ლიდერებს – დეკემბრის ისტორიულ გადაწყვეტილებამდე. გვსურს მოგაწვდინოთ ჩვენი, ხალხის ერთობლივი ხმა და დაგანახოთ ჩვენი ერთობლივი სულისკვეთება.

მოგმართავთ, მიანიჭოთ ჩვენს ქვეყანას კანდიდატის სტატუსი, თანახმად საქართველოსა და მისი ხალხის მრავალწლიანი მიზანმიმართული სწრაფვისა და ურყევი ნებისა. საქართველოს ხალხის გამოხატული ნება ვერ შეარყია ვერცერთმა ურთულესმა გამოწვევამ – ვერც ომმა და ვერც ოკუპაციამ. ჩვენი წარსულით და საერთო ღირებულებებით დიდი ხანია ერთნი ვართ. მაშასადამე, ჩვენი მომავალი თქვენთანაა, ევროპაშია და ამას ალტერნატივა არ გააჩნია!

საქართველოს კონსტიტუციაში ჩაწერილი პირობის თანახმად, ძალისხმევას არ დავიშურებთ და არაფერს დავაკლებთ ჩვენს მიზანს: სხვადასხვა პოლიტიკური მსოფლმხედველობის მიუხედავად, ერთობის ძალით ხელს ვაწერთ ამ პეტიციას და ვითხოვთ კანდიდატის სტატუსს“, – ნათქვამია პეტიციის ტექსტში, რომლის ხელმომწერთა რიცხვი მუდმივ რეჟიმში იცვლება.

წინა სტატია“ჩვენი ხმა ევროპას” | პრეზიდენტის პეტიცია და მიმართვა ევროპელ ლიდერებს
შემდეგი სტატიაIDF აცხადებს, რომ მან გაანადგურა “ჰამასის” 130 გვირაბი ღაზაში
ტელეკომპანია ოდიშის საინფორმაციო სამსახური