“ოდიშინიუსის” ინფორმაციით, კირბალში, ლომისის ეკლესიასთან მოკლული პირი, საქართველოს შეიარაღებული ძალების ოფიცერი, კარალეთის სპეცრაზმის ყოფილი წევრი, 2008 წლის რუსეთ-საქართველოს ომის მონაწილე თამაზ გინტურია (ფოტოზე მარჯვნივ).
თამაზ გინტური და მისი თანასოფლელი ლევან დოთიაშვილი (მარცხნივ) ეკლესიასთან, ავტომანქანაში ისხდნენ, როცა მოულოდნელად გამოჩენილმა რუსი ოკუპანტების საპატრულო ჯგუფმა მანქანას ცეცხლი გაუხსნა, სავარაუდოდ, “საზღვრის დარღვევის” გამო.
კირბალის ეკლესიასთან ოკუპანტებმა საოკუპაციო ზოლი მცოცავი პრაქტიკით გადმოსწიეს და ამ დროისთვის არსებული მდგომარეობით, ეკლესია ოკუპირებულ ტერიტორიაზეა მოქცეული, მაშინ როცა ჯერ კიდევ შარშან საოკუპაციო ზოლი ეკლესიას შუაზე ჰყოფდა.