უკრაინის პრეზიდენტმა ექსკლუზიური ინტერვიუ მისცა ამერიკულ ენბისი ნიუსს – რა თქვა მან ინტერვიუში – მთავარი დეტალები:

🔹”მათ (რუსებმა) იფიქრეს, რომ გვაჯობეს, მაგრამ ეს არ მომხდარა და არც მოხდება”, – განაცხადა ვოლოდიმირ ზელენსკიმ რუს ოკუპანტებზე.

🔹”უკრაინა ფრონტზე სტრატეგიის შეცვლის სხვადასხვა ვარიანტს განიხილავს”, – განიხილება სხვადასხვა ოპერაციები, გეგმები, რათა მდგომარეობა შეიცავლოს და ჩვენ შევძლოთ რუსეთის არმიისთვის მოულოდნელი დარტყმების მიყენება.

🔹 “კი, დაღლილობა შესამჩნევია, რადგან ომი 20 თვეა, გრძელდება და ძალიან გაიწელა, მაგრამ ამის მიუხედავად, ჩვენი სამხედროები ბევრად უფრო მოტივირებულები არიან დღეს, ვიდრე ის რუსები, რომლებიც წამოვიდნენ უკრაინაში, რათა ჩვენ დავეხოცეთ”.

🔹 ჩვენ ქვეყანა უნდა გადავარჩინოთ, ამისთვის კი ჰსთ სისტემების ერთობლივი წარმოებაა საჭირო. თუმცა მანამდე, სანამ ერთობლივ წარმოებაზე გადავალთ, ჩემი გზავნილი მსოფლიოსადმი, აშშ-სა და ევროპისადმი არის ის, რომ მოგვცენ ჰსთ სისტემები: რაიმენაირი ჰსთ სისტემა, რომ გამოვიყენოთ: თუნდაც იჯარით, თუნდაც გვათხოვონ, განსაკუთრებით, ზამთარში, რადგან ზამთარი – ძნელი და რთული იქნება.

🔹 მოკავშირეებმა უნდა გააგრძელონ ჩვენი მხარდაჭერა, რადგან კიევი იცავს საერთო ფასეულობებს, მათ შორის დემოკრატიას. ალტერნატივა დამღუპველი იქნება, რადგან “თუ რუსეთი ჩვენ ამოგვხოცავს, ის ნატოს წევრ ქვეყნებს დაუწყებს ომს, თქვენ კი იმ ომში თქვენი შვილების გაგზავნა მოგიწევთ. და ეს ნამდვილად მოხდება. უნდა მაპატიოთ, მაგრამ ეს ძვირად დაგიჯდებათ, მძიმე ფასი იქნება გადასახდელი..”