მთავარისიახლეებისაზოგადოებავის ეზრდება ხელფასი და პენსია 2024 წელს

ვის ეზრდება ხელფასი და პენსია 2024 წელს

Published on

პრემიერმინისტრმა ირაკლი ღარიბაშვილმა განაცხადა, რომ 2024 წელს საქართველოს ბიუჯეტი 28 მილიარდ 500 მილიონი ლარი იქნება. მთავრობა ბიუჯეტის გადამუშავებულ ვარიანტს პარლამენტს დღეს გაუგზავნის.

როგორც ღარიბაშვილმა მთავრობის სხდომაზე თქვა, ყოფილ პოლიციელებს, ჯარისკაცებსა და სპეცსამსახურების წარმომადგენლებს პენსიები 1000 ლარამდე გაეზრდებათ. ასევე, საშუალოდ 20%-ით გაიზრდება ნამსახურების თითოეულ წელზე გათვლილი თანხის მოცულობა.

1 000 ლარიდან 1 200 ლარამდე იზრდება საქართველოს ტერიტორიული მთლიანობისათვის, თავისუფლებისა და დამოუკიდებლობისათვის, ასევე, სამსახურებრივი მოვალეობის შესრულებისას დაღუპულთა ან მიღებული ჭრილობების შედეგად გარდაცვლილთა ოჯახის წევრების კომპენსაცია. პრემიერის თქმით, გაიზრდება 9 აპრილის მონაწილეთა და პოლიტ. რეპრესირებულთა ოჯახის წევრების ყოველთვიური საყოფაცხოვრებო სუბსიდიაც.

მისივე თქმით, 2024 წელს ხელფასი გაეზრდებათ მასწავლებლებს – სრულ განაკვეთზე მომუშავე მასწავლებელთა ხელფასი საშუალოდ 500 ლარით გაიზრდება.

​ღარიბაშვილის თქმით, “10%-იანი ზრდა არის ჩადებული ბიუჯეტში” და ხელფასები გაეზრდებათ საჯარო მოხელეებსაც.

“შეგახსენებთ, რომ პენსიები გაიზარდა მაღალმთიან რეგიონში, 70 წლის ზემოთ იქნება 500 ლარამდე უკვე პენსია და თითქმის 400 ლარამდე იქნება 70 წელს ქვემოთ პენსია. მნიშვნელოვნად გაიზრდება პედაგოგების ხელფასები 2024 წელს, რაც ნიშნავს იმას, რომ სრულ განაკვეთზე მომუშავე მასწავლებელთა ხელფასები გაიზრდება საშუალოდ 500 ლარით და მეტით.

​კიდევ ერთი მნიშვნელოვანი სიახლე, რომელიც ვფიქრობ, მნიშვნელოვანია ჩვენი პატივცემული ძალოვანი უწყებების წარმომადგენლებისთვის. მივიღეთ გადაწყვეტილება და ყოფილი პოლიციელები, ჯარისკაცები სპეცსამსახურები, ანუ ძალოვნების თანამშრომლები, მიიღებენ გაზრდილ პენსიას. იცით, რომ ჩაკეტილი იყო დღემდე, 560 ლარი იყო მაქსიმალური ზღვარი პენსიის და გაიზრდება 1000 ლარამდე,” – თქვა ღარიბაშვილმა.

ამასთან, ბიუჯეტის პროექტში შეტანილი ცვლილებების მიხედვით, მომდევნო წელს ქრონიკული დაავადებების მქონე პენსიონრები სამკურნალო მედიკამენტებს უფასოდ მიიღებენ. ღარიბაშვილის თქმით, დაიწყება ონკოლოგიური პაციენტების ადრეული კვლევების დაფინანსებაც.

სიახლეები

საქართველოში ჩემი გულის ნაწილს ვტოვებ და სამუდამოდ ვიქნები ქართველი ხალხის ნამდვილი მეგობარი – დანიგანი

საქართველოში ჩემი გულის ნაწილს ვტოვებ და სამუდამოდ ვიქნები ქართველი ხალხის ნამდვილი მეგობარი - ამის...

დაკავებული ირაკლი ბათიაშვილი მოჰყავდათ და მამამისის პანაშვიდზე იდგა მთელი დღე – ნუცა ბათიაშვილი

„თავისუფალი უნივერსიტეტის“ სამაგისტრო და სადოქტორო პროგრამების დეკანი ნუცა ბათიაშვილი სოციალურ ქსელში იხსენებს, რომ როცა...

“როგორ გძინავთ ღამე ამდენი ხალხის ცოდვით!” – თბილისში დაღუპულის დისშვილი კახა კალაძესა და მერიას მიმართავს

"დეიდაჩემი ტონიანი სინკარების ქვეშ მოყვა და ადგილზე გარდაიცვალა, ყინვასა თუ სიცხეში იდგა დღეში 20...

ოკეანეში შვეულმფრენის ჩავარდნის შემდეგ, აშშ-ში ქართველ მეცნიერს ეძებენ

ამერიკის შეერთებულ შტატებში მოღვაწე ქართველი მეცნიერი, ბიოლოგი ცოტნე ჯავახიშვილი შვეულმფრენით ოკეანეში ჩავარდა. როგორც სოციალურ...