საპატრიარქოში სინოდის სხდომა დასრულდა. სინოდზე ილია II-ის მიერ ინიციირებულ საკითხები განიხილეს.
მედიასთან კომენტარი საპატრიარქოს საზოგადოებასთან ურთიერთობის სამსახურის უფროსმა გააკეთა. როგორც მან თქვა, ძირითადი განსახილველი თემა იყო ის ეპარქიები, რომლებიც საოკუპაციო ხაზთან მდებარეობენ და ოკუპირებულ ნაწილში მდებარე ტაძრები.
“მიმოხილული იყო ოკუპირებულ ტერიტორიებზე ჩვენი ტაძრების მდგომარეობა, იმ ეპარქიების მდგომარეობა სადაც ოკუპაციის ხაზი გადის, მიმოხილული იყო ეპარქიები მაღალმთიან რეგიონებში რომლებიც არის განთავსებული. ასევე ზოგადად იყო პოლიტიკური და საომარი ვითარებები განხილული, რაც ჩვენი რეგიონის ახლო მახლო და სამეზობლოდ ხდება. […] ჩამოვთვალე საკითხები რაც იყო, დანარჩენი არის სპეკულაციები”, – თქვა ანდრია ჯაღმაიძემ.
წელს სინოდის სხდომა მეორედ გაიმართა. მანამდე ვრცელდებოდა ინფორმაცია, რომ შესაძლოა განხილული ყოფილიყო პატრიარქის გადადგომის საკითხი, ასევე, მეუფე შიოსთვის უფლებამოსილების გაზრდის, რაც არ დადასტურდა. სასულიერო პირებმა ყველა მსგავსი ინფორმაცია უარყვეს