რუსული ავიაკომპანია Red Wings თბილისის მიმართულებით კიდევ ერთი ავიარეისის დამატებას გეგმავს. ამჯერად კომპანიას სურს, რომ ფრენები ქალაქ სამარადან განახორციელოს.

როგორც Red Wing-ის პრესსამსახურზე დაყრდნობით რუსული სამთავრობო მედია წერს, სამარა-თბილისი-სამარას რეისის განხორციელება 16 ნოემბრიდან უნდა დაიწყოს და იგი კვირაში ერთხელ შესრულდება.

“16 ნოემბრიდან Red Wings Airlines გეგმავს ყოველკვირეულ ფრენებს საქართველოს დედაქალაქში. ფრენები დაგეგმილია ხუთშაბათს… ფრენების ხანგრძლივობა 2 საათი და 45 წუთი იქნება”, – ციტირებს Red Wings-ის პრესსამსახურს რუსული გამოცემა.

შეგახსენებთ, რომ ავიაკომპანია უკვე ასრულებს თბილისის მიმართულებით რეისებს სოჭიდან და მოსკოვიდან. Red Wings უკრაინის მიერ არის სანქცირებული.