ოკუპირებულ აფხაზეთში ერაყის მოქალაქეები დააკავეს და ქართულ მხარეს გადმოსცეს

0
79

დროებით ოკუპირებული აფხაზეთის საოკუპაციო რეჟიმის მტკიცებით, ოკუპირებულ აფხაზეთში “არაბი ლტოლვილები” დააკავეს, – ამის შესახებ განცხადება ე.წ უშიშროების საბჭოს მდივანმა, სერგეი შამბამ გააკეთა.

მისივე მტკიცებით, ლტოლვილები რუსეთის ე.წ სასაზღვრო პოლიციელებმა დააკავეს და ქართულ მხარეს საერთაშორისო ორგანიზაციების შუამავლობით გადმოსცეს.

ინფორმაციას ადასტურებს საქართველოს სახელმწიფო უსაფრთხოების სამსახურის ანალიტიკური დეპარტამენტის ხელმძღვანელი, ირაკლი ანთაძეც, თუმცა ის განმარტავს რომ დაკავებულები არაბი ლტოლვილები არ არიან და ისინი ერაყის მოქალაქეები არიან.

“თქვენ როგორც იცით, უცხო ქვეყნების მოქალაქეები საოკუპაციო ხაზს პერიოდულად კვეთენ; ამ შემთხვევაში ჩვენ საქმე გვქონდა ერაყის მოქალაქეებთან. გააქტიურდა ევროკავშირის ცხელი ხაზი, შედეგად აღნიშნული პირები საქართველოს ცენტრალური ხელისუფლების მიერ კონტროლირებად ტერიტორიაზე დაბრუნდნენ”, – ამბობს ირაკლი ანთაძე.

მისივე თქმით, ერაყის მოქალაქეები საქართველოში სრულიად ლეგალურად იმყოფებიან.

წინა სტატიადღეს წმინდა სინოდის სხდომა გაიმართება
შემდეგი სტატიარუსეთი უკრაინის მასიური დაბომბვისთვის ემზადება ზამთრისა და ცივი ამინდის დადგომისთანავე | დანილოვი
ტელეკომპანია ოდიშის საინფორმაციო სამსახური