იქნება თუ არა ბაჩანა შენგელია ნიკა გვარამიას მიერ დაანონსებულ ახალ პოლიტიკურ ერთობაში? მედიამენეჯერის ახლო მეგობარი “პირველებთან” ამბობს, რომ ამ კითხვაზე პასუხი ჯერ არ აქვს.
არ მქონია ნიკასთან საუბარი, არ ვიცი იქნება თუ არა რომელიმე ძველ პარტიასთან კოალიციაში. რაც შეეხება მე მოვიაზრებ თუ არა თავს ნიკას პარტიაში თუ ასეთი შემოთავაზება იქნება, ამაზეც არ ვიცი, რადგან პარტიის უშუალოდ შექმნასთან დაკავშირებით არ მაქვს პასუხი, ბუნებრივია, მეორე კითხვაზეც, ჯერ ლოგიკურად ვერ ვპასუხობ, – ამბობს ბაჩანა შენგელია.
ნიკა გვარამია პოლიტიკაში წასვლას ოფიციალურად აანონსებს, თუმცა იქნება დამოუკიდებელი მოთამაშე თუ არა, ჯერ არ აკონკრეტებს. პოლიტიკურ გეგმებზე “მთავარი არხის” დამფუძნებელმა ინგა გრიგოლიას “რეაქციაში” ილაპარაკა. გვარამია აანონსებს, რომ მის პოლიტიკურ განაცხადს შტატებში ვიზიტის დასრულების შემდეგ ოფიციალურად გააკეთებს.