უკრაინაში მებრძოლი ქართველი ნადიმ ხმალაძე დანაყოფ “თბილისის” წევრის, კლიშევკასთან გმირულად დაცემული ლევან ლობჟანიძის ცხედრის შესახებ დეტალურ ინფორმაციას აქვეყნებს და წერს, რომ მებრძოლის ცხედარი ჯერაც რუსეთის მიერ კონტროლირებად ტერიტორიაზეა.
“მეთაურთან შეთანხმებით მინდა გაცნობოთ ლევან ლობჯანიძის ნეშთის შესახებ, ის იმყოფება ჯერჯერობით რუსეთის კონტროლირებად ტერიტორიაზე , ქვედანაყოფი თბილისი , მისი მეთაური და უკრაინელი მებრძოლები საკუთარი სიცოცხლის ფასად ყველაფერს აკეთებენ რომ გადმოასვენონ უსაფრთხო ტერიტორიაზე და მოხდეს მისი გადმოსვენება საქართველოში დიდი სამხედრო პატივით . დაზვერვის 2 უკრაინელი მებრძოლი დაიღუპა ლევანის გამოსაყვანად შესული . ქართველები და უკრაინელები თავისიანს არ ტოვებენ ბრძოლის ველზე. მაგრამ არც ის გვინდა კიდევ რამდენიმე სიცოცხლე დაემატოს. დაჭრილი ქართველი მებრძოლი “თუში” კარგად გრძნობს თავს”, – წერს ნადიმ ხმალაძე.