დადასტურდა, რომ 7 ოქტომბერს, რეიმის მშვიდობის საერტაშორისო მუსიკალური ფესტივალიდან გატაცებული 30 წლის გერმანიის მოქალაქე შანი ლუკი მოკლულია.
ცნობილი გახდა, რომ გატაცების შემდეგ ის სასტიკად სცემეს, შემდეგ კი ძალადობდნენ და სიკვდილის პირამდე მიიყვანეს.
შანი ლუკის ოჯახმა აქამდე ის იცოდა, რომ გოგო მძიმე მდგომარეობაში, ღაზის საავადმყოფოში იმყოფებოდა. ამის შესახებ ინფორმაციას დედა ავრცელებდა და ყველას სთხოვდა, შვილის შინ დაბრუნებაში დახმარებოდნენ.
“სამწუხაროდ, დღეს ჩვენ მივიღეთ ცნობა, რომ შანი ცოცხალი აღარაა”, – განაცხადეს დღეს ბრიფინგზე ოჯახის წევრებმა.
შეგახსენებთ, ღაზის სექტორში ამ დრომდე, ტყვეობაში სულ 239 მოქალაქე იმყოფება.
