უკრაინის არმიის გენშტაბის ცნობით, გასული დღე-ღამის განმავლობაში 70-ზე მეტი საბრძოლო შეტაკება მოხდა. სულ მტერმა 7 სარაკეტო და 24 საავიაციო დარტყმა გამოიყენა, ხოლო სარაკეტო-საზენიტო კომპლექსიდან 30-ჯერ მიიტანა იერიში.

კუპიანსკის მიმართულებაზე, დასახლებული პუნქტების სინკოვკისა და ივანოვკის (ხარკოვის ოლქები) მიმართულებით მტერმა 5-ჯერ სცადა შეტევის წამოწყება, ხუთივე მცდელობა მოგერიებულია უკრაინელების მიერ.

უკრაინის შეიარაღებულმა ძალებმა, ბოლო დღე-ღამის განმავლობაში, 660 რუსი ოკუპანტი გაანადგურეს, უკრაინელმა მეზენიტეებმა კი ღამით 5 “შაჰიდი” ჩამოაგდეს. 

უკრაინის თავდაცვის მინისტრის რუსტემ უმეროვის თქმით, 28 ოქტომბრის მონაცემებით, რუსმა ოკუპანტებმა ავდეევკაზე შეტევების დროს 4.000-ზე მეტი ჯარისკაცი და სამხედრო პირი დაკარგეს.