სტამბოლში, ათათურქის სახელობის აეროპორტზე, ასეულობით ათასი შეკრებილი ადამიანის წინაშე გამოსვლისას თურქეთის პრეზიდენტმა დასავლეთი დაადანაშაულა იმ კონფლიქტში, რომელიც ახლა ახლო აღმოსავლეთში მიმდინარეობს.
ერდოღანი მიტინგზე პალესტინის დროშის ფერებში და სიმბოლოებში გადაწყვეტილი შარფით მივიდა.
მისი მთავარი გზავნილები კი ასეთი იყო:
“ჰეი, დასავლეთო! შენ რა, გინდა ომი წითელ ჯვარსა და წითელ ნახევარმთვარეს შორის?” “ასი წლის წინ პალესტინა ჩვენთვის ისეთივე იყო, როგორც ადანა. ღაზა ჩვენი ტერიტორიის ნაწილი იყო”.”როდესაც ვთქვი, რომ ჰამასი არ არის ტერორისტული ორგანიზაცია, ისრაელს ეს დიდად არ მოეწონა- სწორედ ამიტომაც ვთქვი”.”ისრაელო, როგორ აღმოჩნდი აქ? როგორ მოხვდი აქ? შენ ოკუპანტი ხარ. თქვენ ხართ დაჯგუფება და არა სახელმწიფო. დასავლეთს თქვენი ვალი აქვს , ჩვენ კი არა”.“რანიც ვიყავით ლიბანში, რანიც ვიყავით ყარაბაღში, ისეთივენი ვიქნებით ახლო აღმოსავლეთშიც”;“ღაზაში ახლა სასაკლაოა. სად არის სამართლიანობა? ჩვენ გამოვაცხადებთ ისრაელს ტერორისტულ სახელმწიფოდ – ამაზე უკვე ვმუშაობთ”.