“ლელოს” წევრი ანა ნაცვლიშვილი იმედოვნებს, რომ ევროკომისია საქართველოს კანდიდატის სტატუსს მისცემს, თუმცა ეს მხოლოდ ქართველი ხალხის დამსახურება იქნება.
პრემიერ-მინისტრს ჰქონდა ძალიან მნიშვნელოვანი წამოცდენა. მან თქვა, რომ ევროკავშირმა უნდა მიიღოს შორსმჭვრეტელური გადაწყვეტილება. სწორედ შორსმჭვრეტელობა გულისხმობს იმას, რომ უნდა მიიღონ გადაწყვეტილება არა ხელისუფლების გაფუჭებულის საფუძველზე, არამედ ხალხის მიერ ძალიან მკაფიოდ გამოხატული ნების და განწყობის საფუძველზე. რაც შეეხება რა მოლოდინები გვაქვს და ვისი დამსახურება იქნება კანდიდატის სტატუსის მიღება, ეს ცალსახად იქნება საქართველოს მოქალაქეების დამსახურება, – ამბობს ანა ნაცვლიშვილი.
ევროკომისიის ანგარიშის გამოქვეყნებამდე 12 დღეა დარჩენილი. პირველადი შეფასებიდან გაირკვევა, შეასრულა თუ არა ქვეყანამ 12 რეკომენდაცია. საბოლოო გადაწყვეტილება კანდიდატის სტატუსის მიღებასთან დაკავშირებით ცნობილი დეკემბერში გახდება.