ხურვალეთის მოხუცთა თავშესაფრის დამფუძნებელმა და დირექტორმა ლუდა სალიამ, რომელიც თვითონ აფხაზეთიდან დევნილია, სოფლის განაპირას, თავშესაფართან ახლოს რუსი ოკუპანტების მიერ გაბმული მავთულხლართები გადაჭრა.
“რამდენჯერაც დაამატებთ მავთულხლართებს, იმდენჯერ დავჭრი… ეს ჩვენი შარაგზაა და არანაირი უფლება არა გაქვთ, სოფელი შუაზე გაჰყოთ: არც მორალური, არც იურიდიული”, – ასე მიმართავს ოკუპანტებს ლუდა სალია ვიდეოში, რომელიც თავად გამოაქვეყნა და სადაც ჩანს, როგორ ჭრის საოკუპაციო მავთულხლართებს.
ლუდა სალია პატრიოტული ქმედებებით გამორჩეული ხურვვალელია: მან რამდენჯერმე აღმართა საქართველოს სახელმწიფო დროშა ხურვალეთში, სიმაღლეზე, იმ ადგილას, სადაც რუსი ოკუპანტების ქვეითი პატრული გადაადგილდება.
ამას გარდა, ლუდა სალია ანტისაოკუპაციო მოძრაობა “ძალა ერთობაშიას” საპატიო წევრიცაა: ხურვალეთის მოხუცთა თავშესაფრის ეზოდან სამოქალაქო აქტივისტებს არაერთხელ განუხორციელებიათ მონიტორინგიო ოკუპანტთა ქვეითი და სატრანსპორტო პატრულის გადაადგილებაზე.
ვიდეო, სადაც ლუდა სალია მავთულხლართს ჭრის, შეგიძლიათ ნახოთ ჩვენს ტელეგრამ-არხზე, ამ ბმულზე.