გაერთიანებული ერების ორგანიზაცია ამბობს, რომ ღაზის სექტორში საავადმყოფოები ახლა მხოლოდ გადაუდებელ შემთხვევებს იღებენ, რადგან საწვავის რაოდენობა სახიფათოდ ცოტაა.
BBC-ის ცნობით, ღაზის მთელ ტერიტორიაზე, საავადმყოფოებმა დახურეს ყველა განყოფილება, გარდა სასწრაფო დახმარების ოთახებისა.
საავადმყოფოებმა უნდა დაზოგონ მცირე საწვავი, რომელიც მათ აქვთ სიცოცხლის გადარჩენის მოწყობილობების გამოსაყენებლად, როგორიცაა ვენტილატორები, ახალშობილთა ინკუბატორები და თირკმლის დიალიზის აპარატები, ამბობს რეპორტიორი რუშდი აბუ ალუფი, რომელიც ღაზის სამხრეთ ქალაქ ხან იუნისში იმყოფება.
ღაზის საავადმყოფოები ახლა არის “სრული კოლაფსის მდგომარეობაში”, ამბობს მუჰამედ აბუ სელმეია, ტერიტორიის უდიდესი საავადმყოფოს, ალ-შიფას ხელმძღვანელი.
ისრაელი ბლოკავს ღაზაში საწვავის მიწოდებას და აცხადებს, რომ “ჰამასმა” ის შეიძლება გამოიყენოს სამხედრო მიზნებისთვის. ის ასევე ადანაშაულებს “ჰამასს” ასობით ათასი ლიტრი დიზელის შეგროვებაში და მის გაზიარებაზე უარის თქმაში.