საქართველოს სომხეთის პრემიერმინისტრი, ნიკოლ ფაშინიანი დელეგაციასთან ერთად ეწვია. მთავრობის ცნობით, ფაშინიანი საქართველოში “თბილისის აბრეშუმის გზის ფორუმს” დაესწრება.
სომხეთის რესპუბლიკის პრემიერმინისტრს თბილისის საერთაშორისო აეროპორტში საქართველოს რეგიონული განვითარებისა და ინფრასტრუქტურის მინისტრი – ირაკლი ქარსელაძე, საქართველოში სომხეთის რესპუბლიკის საგანგებო და სრულუფლებიანი ელჩი – აშოტ სმბატიანი და სომხეთის რესპუბლიკაში საქართველოს საგანგებო და სრულუფლებიანი ელჩი – გიორგი შარვაშიძე დახვდნენ.
“თბილისის აბრეშუმის გზის ფორუმი” ოფიციალურად დღეს გაიხსნება და 27 ოქტომბრის ჩათვლით გაგრძელდება. ღონისძიებაში 60-ზე მეტი ქვეყნის წარმომადგენელი მიიღებს მონაწილეობას, მათ შორის იქნება, აზერბაიჯანის პრემიერმინისტრი ალი ასადოვი.