როდესაც ახალგაზრდა დიპლომატი ვიყავი, საქართველოს ბაქო-თბილისი-ჯეიჰანის პროექტის განხორციელებაში ვეხმარებოდი, სასიხარულოა ისევ აქ დაბრუნება | აშშ-ის ელჩი

0
95

როდესაც მე ახალგაზრდა დიპლომატი ვიყავი, საქართველოს ბაქო-თბილისი-ჯეიჰანის ნავთობსადენის პროექტის განხორციელებაში ვეხმარებოდი. ახლა ძალიან სასიხარულოა ისევ აქ დაბრუნება და იმის ხილვა, თუ რამდენს მიაღწია საქართველომ „შუა დერეფნის“ განვითარების მხრივ – თქვა აშშ-ის ახალმა ელჩმა, რობინ დანიგანმა “აბრეშუმის გზის” ფორუმზე.

დიპლომატის თქმით, აშშ ხელს უწყობს და ეხმარება „შუა დერეფნის“ განვითარებას:

“მიხარია, რომ ვესწრები ამ ფორუმს, რომელსაც საქართველოს პრემიერმინისტრი მასპინძლობს. შეერთებული შტატები ძალიან აქტიურად მონაწილეობს ამ ღონისძიებაში როგორც კომპანიების, ასევე საერთაშორისო განვითარების სააგენტოს სახით. როდესაც მე ახალგაზრდა დიპლომატი ვიყავი, საქართველოს ბაქო-თბილისი-ჯეიჰანის ნავთობსადენის პროექტის განხორციელებაში ვეხმარებოდი. ამიტომ, ახლა ძალიან სასიხარულოა ისევ აქ დაბრუნება და იმის ხილვა, თუ რამდენს მიაღწია საქართველომ „შუა დერეფნის“ განვითარების მხრივ, ვგულისხმობ გზების, რკინიგზისა და პორტების განვითარებას. აშშ აქ არის იმისთვის, რომ ამ განვითარებას ხელი შეუწყოს და თან მონაწილეობა მიიღოს მასში, იმიტომ რომ ჩვენ ვიცით შუა დერეფნის ფასი და ის თუ რამდენად მნიშვნელოვანია საქართველოს მონაწილეობა მასში,” – ამბობს რობინ დანიგანი

შეგახსენებთ, რომ დღეს თბილისი “აბრეშუმის გზის” ფორუმს მასპინძლობს. ღონისძიებაზე 60-ზე მეტი ქვეყნის წარმომადგენლები იმყოფებიან. მათ შორის არიან, აზერბაიჯანის, სომხეთისა და მონტენეგროს პრემიერმინისტრები.

წინა სტატიარომ გითხრათ, რომ გამოიკვეთა ვინმეს ბრალეულობა, ნამდვილად მოგატყუებთ | გომელაური შოვზე
შემდეგი სტატიავიღაცამ იქ ააფრიალა ქართული დროშა, რაც გახდა მიზეზი, უფრო მკაცრი ზომები მიეღოთ რუს სამხედროებს | ჯაღმაიძე კირბალში ტაძრის კარის აჭედვაზე
ტელეკომპანია ოდიშის საინფორმაციო სამსახური