ბორდერიზაციის პრობლემა წინა ხელისუფლების მემკვიდრეობაა, სათანადოდ ვიცავთ სახელმწიფო ინტერესებს | კობახიძე ლომისაზე

0
119

“ქართული ოცნების” თავმჯდომარეს, ირაკლი კობახიძეს ჰკითხეს გავრცელებულ კადრებზე, რომელთა მიხედვითაც, სოფელ მლეთაში, ლომისის წმინდა გიორგის ეკლესიასთან რუსი სამხედროები იმყოფებოდნენ.

კობახიძემ თქვა, რომ ე.წ. ბორდერიზაცია წინა ხელისუფლების მემკვიდრეობაა, თუმცა, მისი მტკიცებით, ხელისუფლება ყოველ ჯერზე სათანადოდ იცავს ქვეყნის სახელმწიფო ინტერესებს.

“სახელმწიფო ყველ ჯერზე იღებს ზომებს იმისთვის, რომ ჩვენი ეროვნული ინტერესები იყოს დაცული და ამას აკეთებს სათანადო ნაბიჯებით. ყოველ ჯერზე ჩვენ მოვახერხეთ იმის დემონსტრირება, რომ სათანადოდ ვიცავთ ჩვენ სახელმწიფო ინტერესებს. რაც შეეხება თვითონ ეს ბორდერიზაციის პრობლემა და ა.შ ეს არის წინა ხელისუფლების მემკვიდრეობა, სამწუხაროდ, ჩვენ გვიწევს ამ პრობლემებთან გამკლავება, თუმცა ჩვენ ყოველ ჯერზე სათანადოდ ვიცავთ ჩვენი ქვეყნის სახელმწიფო ინტერესებს”, – თქვა კობახიძემ.

“ანტისაოკუპაციო მოძრაობის” ლიდერმა, დავით ქაცარავმ კადრები გუშინ გაავრცელა. ის ამბობს, რომ საქართველოს მიერ კონტროლირებად ტერიტორიაზე რუსები იმიტომ იყვნენ, რომ მათ ახალი ტერიტორიების ოკუპაციის გეგმა აქვთ.

სახელმწიფო უსაფრთხოების სამსახურს უფიციალური განმარტება არ გაუკეთებია.

წინა სტატიაგზა ორ ჩვენს მეგობართან ღიაა, გზები ორ ჩვენს მეზობელთან დაკეტილი, რაც აჩვენებს ურთიერთობებში დღეს არსებულ სირთულეებს | ფაშინიანი
შემდეგი სტატიაარჩევნებზე, ერთ-ერთი პარტიის შემადგენლობაში, სალომე ზურაბიშვილის კანდიდატად მონაწილეობა განიხილება | კობახიძე
ტელეკომპანია ოდიშის საინფორმაციო სამსახური