უკრაინის პრეზიდენტის განცხადებით, რუსეთი ენერგეტიკულ ობიექტებზე თავდასხმისთვის ემზადება, “უკრაინა კი არა მარტო დაიცავს თავს, არამედ უპასუხებს რუსეთს” – ამის შესახებ ვოლოდიმირ ზელენსკიმ ყოველდღიურ ვიდეომიმართვაში ისაუბრა.
ზელენსკის თქმით, “მტერმა კარგად იცის”, რომ უკრაინა თავდასხმას უპასუხებს. სწორედ ამიტომ, ჯერ ჯერ ყირიმიდან გაიყვანეს ფლოტი, ახლა კი ავიაცია საზღვრებიდან უფრო შორს გადაჰყავთ.
დღესვე უკრაინის პრეზიდენტმა მოისმინა ინფორმაცია ფრონტზე არსებული ვითარების შესახებ, კერძოდ, კუპიანსკსა და ავდიივკაზე, სადაც მძიმე ბრძოლები გრძელდება.