ზურაბიშვილის მიერ, კონკრეტული პირების შეწყალების საქმეზე გამოძიება გრძელდება | შოთაძე

0
150

გენერალური პროკურატურა სალომე ზურაბიშვილის მიერ გამოცემული შეწყალების აქტების გამოძიებას აგრძელებს. განცხადება ამის შესახებ ირაკლი შოთაძემ გააკეთა.

“მოქმედი პრეზიდენტის სისხლის სამართლის პასუხისგებაში მიცემა კანონმდებლობთ შეზღუდული არის. პრეზიდენტზე ვრცელდება იმუნიტეტი და მის მიმართ შესაძლებელია სისხლის სამართლებრივი დევნის განხორციელება მხოლოდ იმპიჩმენტის წესით თანამდებობიდან გადაყენების შემთხვევაში, თუ საკონსტიტუციო სასამართლომ მისი მხრიდან ან კონსტიტუციის დარღვევის ფაქტი, ან სისხლის სამართლის დანაშაულის ჩადენის ფაქტი დაადასტურა.

ამ ფაქტზე მომავალში რატომ ვლაპარაკობთ? გიხსნით, რომ გამოძიება გრძელდება და ეს გამოძიება დაწყებულია რამდენიმე წლის წინ ცნობილი გარემოებებზე დაყრდნობით შესაძლო დანაშაულებების ფაქტზე” ამბობს ირაკლი შოთაძე.

ცნობისთვის, 2019 წლის 20 სექტემბერს საქართველოს გენერალურმა პროკურატურამ დაიწყო გამოძიება მსჯავრდებულების: რამაზ დევაძის, ასლან ბეჟანიძის, ზურაბ ნადირაძის და სხვა პირთა შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე.

გამოძიების ფარგლებში პრეზიდენტის მაშინდელი საპარლამენტო მდივანი დიმიტრი გაბუნია, პრეზიდენტის ადმინისტრაციის უფროსის მოადგილე ანგი ხუციშვილი და პრეზიდენტის ადმინისტრაციის სხვა თანამშრომლები გამოიკითხნენ.

წინა სტატიააშშ-მა ისრაელში კონსულტანტად სამვარსკვლავიანი საზღვაო ქვეითთა გენერალი გაგზავნა
შემდეგი სტატიაეს არის ის შემთხვევა, სადაც რთულია შედეგის მიღწევა | კობახიძე ირაკლი ბებუას გათავისუფლებაზე
ტელეკომპანია ოდიშის საინფორმაციო სამსახური