გავრცელებული ინფორმაცია სირიაში ამერიკულ ბაზაზე სარაკეტო თავდასხმისა და თითქოსდა ამერიკელი ჯარისკაცების დაშავების შესახებ გადაჭარბებული აღმოჩნდა და, როგორც გაირკვა, მხოლოდ შეტევის მცდელობაზეა საუბარი:
“შემიძლია დავადასტურო, რომ ჩვენს ბაზაზე ალ-ტანფში, შეტევის მცდელობა იყო. ჩამოგდებული და განადგურებულია ორი იპილოტო საფრენი აპარატი, ამერიკელი სამხედროებიდან არავინ დაშავებულა”, – განაცხადა პენტაგონის წარმომადგენელმა, გენერალმა პატრიკ რაიდერმა.
ამასთან, გენერალმა დაამატა, რომ ბოლო დღეებში შეინიშნება სარაკეტო და უპილოტო საფრენი აპარატით შეტევების მომრავლება ერაყსა და სირიაში განთავსებულ აშშ-ის ბაზებსა და სამხედრო ობიექტებზე.