მარტვილის სოფელ ბალდაში 4-თვიანი პროტესტის შემდეგ მოძრაობა “ბადის კანიონის შესანარჩუნებლად” წევრებმა კარავი გაშალეს და ადგილზე 24-საათიანი მორიგეობა დააწესეს.

ადილობრივები ითხოვენ გაუქმდეს ხელშეკრულება, რომლის მიხედვითაც სსიპ “დაცული ტერიტორიების სააგენტომ” გასულ წელს კანიონი, რომელსაც საქართველოს კანონმდებლობით ბუნების ძეგლის სტატუსი აქვს მინიჭებული, კერძო კომპანიას – “კანიონი 350” – 40 წლით იჯარით გადასცა. ადგილობრივები ამბობენ, სააგენტოს გადაწყვეტილების შესახებ ისინი ინფორმირებული არ ყოფილან.

მოსახლეობა ამბობს, რომ ისინი გიდობას უწევდნენ ტურისტებს და საოჯახო სასტუმროებს ამუშავებდნენ ეს კი მათი შემოსავლის ერთადერთი წყარო იყო, ინვესტორის შესვლის შემდეგ კი შემოსავალსაც დაკარგავენ.

კომპანია “კანიონ 350” – ში განმარტავენ, რომ მათ ტენდერი წესების სრული დაცვით მოიგეს და სამუშაოებსაც კანონიერად აწარმოებენ.